Засгийн газрын хуралдаанаар гаргасан шийдвэрийн талаар Хэвлэл мэдээлэл, олон нийттэй харилцах хэлтсийн дарга Ц.Ганзориг мэдээлэл өглөө. Тэрбээр их, дээд сургуулиудыг есдүгээр сарын 21 буюу ирэх долоо хоногоос эхлээд хэвийн горимоор хичээллүүлэх шийдвэр гаргасан талаар мэдээллээ.

Ц.Ганзориг:

Хил дотроо Ковид-19-ийг алдаагүй байгааг үндэслээд урлаг спорт, худалдаа үйлчилгээ, бүх шатны сургалтын үйл ажиллагааг хэвийн горим буюу та бидний амьдрал халдвараас өмнө байснаар явуулах шийдвэр гаргалаа. 9 дүгээр сарын 16-наас эхлээд урлаг спорт, олон нийтийг хамарсан арга хэмжээнүүд, худалдаа үйлдвэрлэл, үйлчилгээний байгууллагуудын цагийн хязгаарлалтад орсон байсныг хэвийн горимд шилжүүлж ажиллуулахаар боллоо. Есдүгээр сарын 21-нээс эхлээд  бүх шатны боловсролын байгууллагууд, их дээд сургуулиуд хэвийн горимоор хичээллэнэ. Их дээд сургуулиудыг 10-р сарын 4 гэж тооцоолж байсан бол 9 дүгээр сарын 21 буюу ирэх долоо хоногоос эхлээд хэвийн горимоор хичээллүүлэх шийдвэр гаргалаа.” гэлээ.

Эх сурвалж: www.gogo.mn

Явган зорчигчийг мөргөж амийг нь хохироогоод зугтсан хэрэг гарлаа.

Тодруулбал, өнөөдөр буюу 2020.08.12-ны өдрийн 04:25 цагийн орчимд Сонгинохайрхан дүүргийн 17 дугаар хорооны нутаг дэвсгэр, 32-р байрны урд явган хүний гэрэл дохиотой гарцан дээр марк, улсын дугаар тодорхойгүй автомашины жолооч явган зорчигч, 25 настай эрэгтэйг мөргөж, амь насыг нь хохироогоод хэргийн газрыг орхин явжээ.

Уг жолоочийг цагдаагийн алба хаагчид шуурхай эрэн сурвалжилж, олж тогтоосон байна.

Гэрэл зургийг ТЦА

Эх сурвалж: ТЦА www.ikon.mn

“Алтай констракшн” компанийн захирал Х.Бат-Эрдэнийг Сүхбаатар дүүргийн Эрүүгийн хэргийн анхан шатны шүүгчийн захирамжаар цагдан хорьсон мэдээллийг Авлигатай тэмцэх газар баталгаажууллаа.

Түүнийг Хөгжлийн банктай холбоотой асуудлаар хуулийн байгууллагад шалгуулж байх хугацаандаа хил даван сураггүй болсон үндэслэлээр АТГ-аас эрэн сурвалжлуулахаар Интерполд хандаж байсан талаар бид өнгөрсөн хоёрдугаар сард мэдээлж байсан билээ.

Х.Бат-Эрдэнийн холбогдсон хэргийг эргэн сануулбал, түүний хамаарал бүхий хүмүүсийн үүсгэн байгуулсан “Монгол драй милк” компани нь дотоодын зах зээлийг хуурай сүүгээр бүрэн хангаж, тэр ч бүү хэл гадаад руу экспортлох төслөөрөө Хөгжлийн банкнаас 15 сая ам.доллар буюу 47 тэрбум төгрөгийн зээл авсан байна.

Гэвч түүний зээл хүндэрсэн талаар Хөгжлийн банк мэдээлж байсан. Мөн зээлийн барьцаа болох хамаарал бүхий аж ахуйн нэгжүүдийн хөрөнгө нь 47 тэрбум төгрөгийнхөө 10 хувьд ч хүрэхгүй үнийн дүнтэй байгаа талаар эх сурвалж мэдээлж байсан билээ.

Source: www.ikon.mn

Хүн амын урьдчилсан статистик мэдээгээр энэ хичээлийн жилд 39,439 хүүхэд нэгдүгээр ангид элсэх төлөвтэй байна.

Энэ жил дэлхий дахинд дэгдсэн цар тахлын улмаас Ерөнхий боловсролын улсын сургуульд шинээр элсэгчдийг цахимаар бүртгэж буй.

Харин хувийн сургуулиудын бүртгэлээ өөрсдөө зохион байгуулж байгаа юм.

“Хувийн сургуулиудаас Шинэ Монгол, Орчлон, Оюунлаг, Сант, Бритиш, Орхон Хасү зэрэг зургаан сургууль хамгийн эрэлттэй байдаг” гэдгийг Нийслэлийн Боловсролын газрын Мэдээллийн сан, статистик мэдээллийн хэлтсийн мэргэжилтэн Т.Батбаяр хэллээ.

Тэрбээр “Тухайн сургуулиуд жил бүр ойролцоогоор,

1. Шинэ Монгол сургуульд 120,
2. Орчлон сургууль -130,
3. Оюунлаг сургууль-130,
4. Сант сургууль-140,
5. British School of Ulaanbaatar -60
6. Орхон хасуй-80 сурагч шинээр элсүүлдэг гэх мэдээлэл байна” гэсэн юм.

Мэдээллийн дагуу эрэлт ихтэй сургуулиудтай холбогдоход дөрөв нь буюу Орчлон, Оюунлаг, Сант, Орхон-Хасү зэрэг сургууль нэгдүгээр ангийн элсэлтээ авж дууссан гэдгийг албаныхан мэдээлэв.

Иймд Шинэ Монгол болон British School of Ulaanbaatar сургуулийн бүртгэл хэрхэн явагдаж байгааг тодруулав.

Шинэ Монгол

Шинэ Монгол сургууль энэ хичээлийн жил 72 сурагч элсүүлэх бөгөөд элсэлтийн журмаа боловсруулжээ. Тодруулбал, тус сургуульд бүртгүүлэгчээс ярилцлага авч, ярилцлагын дүнг харгалзан элсүүлэхээр журамд заасан байна.

2020-2021 оны хичээлийн жилийн нэгдүгээр ангид элсэгчдээ 2020 оны наймдугаар сарын 12-ны өдрийн 09:00 цагаас наймдугаар сарын 14-ний 14:00 цагийн хооронд http://202.131.236.59/shinemongol хаягаар бүртгэж байна.

Бүртгүүлэхэд анхаарах зүйлс:

• Бүртгүүлэгч нь 2014 оны 1 дүгээр сарын 1-нээс 12 дугаар сарын 31-ний хооронд төрсөн байх.
• Бүртгүүлэгчийн овог нэрийг кирилл үсгээр бичиж, регистрийн дугаарыг алдаагүй зөв оруулах. /Бүртгүүлэгчийн регистрийн дугаараар цахим бүртгэлд нэг л удаа бүртгүүлэх боломжтойг эцэг эх, асран хамгаалагч анхаарах хэрэгтэй/
• Цээж зургийг оруулах /сүүлийн 3 сард авахуулсан байх, зургийн файлын төрөл – jpeg, png, jpg байж болно/
• Бүртгүүлэгчийн эцэг, эх асран хамгаалагч нь өөрийн и-мэйл хаяг, холбоо барих утасны дугаарыг заавал бичих.
• Бүртгүүлэгчийн эцэг эх, асран хамгаалагч нь “Та хүүхэдтэйгээ хамт тоглосон хөгжилтэй өдрүүдийн тухай”, “Та хүү, охиндоо нэр хайрласан бэлгэшээлт өдрийн дурсамж, “Таны мэдэх Ерөнхий Боловсролын Шинэ Монгол сургуулийн тухай” гэсэн сэдвийн аль нэгийг сонгон 200-250 үгтэй эсээ бичиж word эсвэл pdf файлаар оруулах.
• Бүртгэлийн хураамж 10.000 төгрөг бөгөөд бүртгэлийн хураамжийг цахимаар бүртгүүлэх явцдаа QPAY үйлчилгээг ашиглан QR код уншуулан төлнө.
• Ерөнхий Боловсролын Шинэ Монгол сургууль эсвэл Шинэ Монгол Харүмафүжи сургуулийн зөвхөн нэгийг сонгож бүртгүүлнэ. Хоёр сургуулийн бүртгэл зэрэг явагдаж, ярилцлага нэг өдөр болно.
• Бүртгэл амжилттай болсноор бүртгүүлэгч цахим бүртгэлийн системд нэвтэрч ярилцлагатай холбоотой аливаа мэдээллийг шуурхай авах эрх үүснэ.
• Бүртгүүлэгч нь цахим бүртгэл хаагдсаны дараа буюу 2020 оны 8 дугаар сарын 14-ний 15:00-16:00 цагийн хооронд бүртгэлийн дугаар, ярилцлагад оролцох цагийн хуваарийг бүртгэлийн хуудаснаас харах боломж нээгдэнэ.
• Бүртгүүлэгч нь ярилцлагад оролцохоор ирэх үедээ цахим бүртгэлийн системээс “Бүртгэлийн хуудас”-ыг хэвлэн авчирна.

Ингээд наймдугаар сарын 16-ны өдөр 09:00-19:00 цагийн хооронд бүртгүүлэгчидтэй хийх ярилцлага болно.

Ярилцлагад бүртгүүлэгч заавал өөрийн биеэр очих бөгөөд бүртгүүлэгч нь сургуульд ороогүй тул бичиг үсэг, тоо тоолол, унших чадвар зэргийг шалгахгүй, хөндлөнгийн комиссын бэлтгэсэн асуултын дагуу харилцан ярилцана.

Ярилцлагын үргэлжлэх хугацаа нэг хүүхдэд 10 минут байх юм байна. Мөн ярилцлага болох өдөр халдвар хамгааллын дэглэмийг хэрхэн мөрдөх талаар ч журамд заажээ. Журмыг ЭНДЭЭС  үзнэ үү.

Ярилцлагын дүнг мэдээлэх хугацаа:

2020 оны 8 дугаар сарын 17-ны өдрийн 9:00 цагт гаргаж бүртгүүлэгчийн хувийн дүнг бүртгэлийн хуудас уруу илгээж, нэгдсэн дүнг сургуулийн new.shinemongol.edu.mn хаяг болон “Шинэ Монгол сургууль фэйсбүүк хуудсанд байршуулна.

Элсэн суралцах батламж олгох:

Ярилцлагад тэнцсэн, сургуульд элсэн суралцах шийдвэрээ гаргасан хүүхдүүдэд 2020 оны 8-р сарын 18-ны өдрийн 10:00-16:00 цагт элсэгчдэд онооны дарааллаар батламжаа гардуулна. Хүүхэд, эцэг эхийн хамт урьдчилан өгсөн хуваарийн дагуу ирнэ.

Элсэлттэй холбоотой дэлгэрэнгүй мэдээллийг 77775599, 99294329, 94110838 дугаараас 10:00-17:00 цагийн хооронд холбогдож лавлагаа авч болно.

Цахим бүртгэлтэй холбоотой яаралтай асуух зүйлээ 99012097, 85162358 дугаарт холбогдож мэргэжлийн зөвлөгөөг 10:00-17:00 цагийн хооронд авч болох юм.

British School of Ulaanbaatar

British School of Ulaanbaatar сургууль нэгдүгээр ангийн элсэгчдээ есдүгээр сарын 10-ныг дуустал бүртгэж буй бөгөөд Их Британийн боловсролын хөтөлбөрийн дагуу таван настай сурагчдыг элсүүлдэг аж.

Мөн сургалтын системийн дагуу бүх хичээл Англи хэл дээр явагддаг тул элсэн ороход хэлний түвшин тогтоох шалгалт болон ярилцлага авсны үндсэн дээр элсүүлэх юм байна.

Сургуульд элсэх хүсэлтэй хүүхдүүд admission@britishschool.edu.mn и-мэйл хаягаар эсвэл 7004-7788 дугаарын утсаар холбогдон элсэлтийн тухай дэлгэрэнгүй мэдээлэл авах боломжтой.

Улаанбаатар-Дархан чиглэлийн авто замын ажил одоо хүртэл дуусаагүй, удаашралтай байгаад ЗТХЯ ямар арга хэмжээ авч ажиллаж байгаа талаар УИХ-ын гишүүн Г.Дамдинням асуулга тавьсны дагуу ЗТХ-ийн сайд Л.Халтар хариу ирүүлжээ.

Асуулгын хариуг товчлон хүргэж байна.

Улаанбаатар-Дархан чиглэлийн 204.11 км авто замын өргөтгөл шинэчлэлтийн ажлыг Азийн хөгжлийн банкны зээлийн хөрөнгөөр хэрэгжүүлж буй бөгөөд гүйцэтгэгчийг сонгон шалгаруулах 5 багц хэсэг бүхий олон улсын тендерийг тус банкны Худалдан авах ажиллагааны журмын дагуу 2019 оны 3-5 дугаар саруудад зохион байгуулснаар дараах гэрээг байгуулжээ.

Хүснэгт 1. Сонгон шалгаруулалтын үр дүнд байгуулсан таван багц гэрээ.

Дээрх гэрээгээр замыг ажил эхэлснээс хойш 365 хоног буюу нэг жилийн дараа дуусгахаар заасан ба 2019 оны 06 дугаар сарын 21-нд зам барилгын ажил эхэлж, жилийн дараа дуусгахаар төлөвлөгдсөн байв. Энэ дагуу 2019 онд нийт зам барилгын ажлын 70 орчим хувийг гүйцэтгэж, хучилтын ажлыг дуусгахаар төлөвлөсөн ч нийт ажлын 25.1 хувийг гүйцэтгэжээ. Энэ үеийн гүйцэтгэл

• Багц 1 хэсэг – 45.74%
• Багц 2 хэсэг 9.49%
• Багц 3 хэсэг 39.27%
• Багц 4 хэсэг 5.30%
• Багц 5 хэсэг 24.60%-ын ажлыг тус тус гүйцэтгэсэн.

Замын ажлыг 2019 оны 06 сарын 27-ноос 11-р сарын 1-нийг хүртэл хэрэгжүүлэхэд 5 үндсэн гүйцэтгэгч, дотоодын 24 туслан гүйцэтгэгчийн 1,144 (гадаад-238, дотоод-906) хүн 627 машин, техник, тоног төхөөрөмжтэйгөөр ажилласан.

Замын ажил төлөвлөгөөнөөс хоцорсонд цаг агаарын хүндрэл болон бусад хүчин зүйлүүд байсан ч зарим гүйцэтгэгч байгууллагын удирдлага зохион байгуулаптын хангалтгүй байдал нөлөөлсөн гэжээ. Тодруулбал, барилгын ажлын хэрэгжилт хангалтгүй Багц 2 болон Багц 4 хэсгийн гүйцэтгэгч компани болох БНХАУ-ын Чайна Стэйт Шинжиан Констракшн Инженеринг группт удаа дараа ажлыг эрчимжүүлэхтэй холбогдох зөвлөмж чиглэл, үүрэг даалгавар өгч ажилласан боловч үр дүн гараагүй.

Иймд тус компанитай хариуцлага тооцох, гэрээг цуцлах санал, хүсэлтийг холбогдох журмын дагуу төслийг санхүүжүүлэгч АХБ-нд удаа дараа тавьсан. АХБ-аас зам барилгын ажлын гэрээг цуцлахад гарч болзошгүй эрсдэл /гэрээ цуцлах тохиолдолд дахин тендер зарлаж хугацаа алдах, гэрээний үнэ өсөх, гүйцэтгэгч байгууллагаас гомдол гарах тохиолдолд олон улсын арбитраар шийдвэрлэгдэх ба хэрэг шийдвэрлэгдэх хүртэл тендер зарлах боломжгүй болох гэх мэт/ байгааг зөвлөж анхааруулсан байна.

113.53 км авто замын хөдөлгөөнийг арванхоёрдугаар сард нээхээр төлөвлөсөн

2020 оны тухайд коронавирусийн халдвар гарсан ч зам барилгын ажлыг төлөвлөсөн хугацаанд эхлүүлэх хүрээнд нэн тэргүүн ээлжинд шаардлагатай инженер, техникийн 105 гадаад ажиллах хүчийг тусгай горимоор авчирч, ажлыг эхлүүлэх хүсэлтийг Засгийн газар, УОК-т тавьж холбогдох шийдвэрийг гаргуулснаар гуравдугаар сард Монгол Улсад ирүүлэх бэлтгэл хангасан байсан ч олон нийтийн эсэргүүцлийн улмаас хойшилсон. Тиймээс 3 дугаар сарын 15-ны өдрөөс дотоодын туслан гүйцэтгэгч болон үндсэн гүйцэтгэгчийн монгол ажилчдын хүчээр замын ажлыг үе шаттайгаар эхлүүлсэн байна.

Багц 1, 3, 5 дугаар хэсгүүдэд түр замын ажлын засварыг гуравдугаар сарын 15-нд, үндсэн зам барилгын ажлыг дөрөвдүгээр сарын 6-нд эхлүүлэв.

Дээрх багц хэсгүүдэд 2020 оны зам барилгын ажил эхэлснээс хойш 2020 оны 8 дугаар сарын 1-ийг хүртэлх зам барилгын ажлын гүйцэтгэлийн хувийг доорх хүснэгтэд харуулав.

Харин Багц 2 болон Багц 4 хэсгийн 2020 оны зам барилгын ажилд ахиц, үр дүн гараагүй байна.

Зам барилгын ажлын багц хэсэг тус бүрт нийтлэг тулгамдаж буй асуудал нь үндсэн гүйцэтгэгч байгууллагын шийдвэр гаргах удирдах ажилтан, санхүүгийн ажилтан, голлох инженер техникийн ажилтан ажлын талбайд байхгүйгээс санхүүжилт, голлох материалын хангамж саатаж, түүнчлэн туслан гүйцэтгэгчээр хийлгэх ажлын шийдвэр маш удаан гарч ажлын хэрэгжилтэд саад учруулж байгаа аж.

Иймд гадаад ажиллах хүчийг үе шаттайгаар тусгай горимоор Монгол Улсад нэвтрүүлэх асуудлыг дахин холбогдох байгууллагуудад тавьж, эхний ээлжийн Багц 1, Багц 3, Багц 5 хэсгүүдийн удирдах болон голлох инженер, техникийн нийт 26 гадаад ажилтан 2020 оны 7 дугаар сарын 9-нд холбогдох журмын дагуу Монгол Улсад оруулж ирэн барилгын ажлын талбайд ажиглан тусгаарлаж, 2020 оны 7 дугаар сарын 29-ний өдөр тусгаарлалтаас гарган ажилд нь оруулсан байна.

Хоёрдугаар ээлжийн нийт 7 гадаад ажилтныг 7 дугаар сарын 27-ны өдөр Монгол Улсад оруулж ирэн тусгаарлаж байгаа ба 3-р ээлжийн 16 гадаад ажиллах хүчийг 2020 оны 8 дугаар сарын 5-ны өдөр оруулж ирэхээр бэлтгэл ажлыг хангажээ.

Зам барилгын ажлын хэрэгжилтийн явцад үүсээд байгаа нөхцөл байдал болоод цаг агаарын нөхцөл байдалд үндэслэн 2020 онд

• Багц 1 хэсгийн 37.26 км
• Багц 3 хэсгийн 45.74 км
• Багц 5 хэсгийн 30.53 км

буюу нийт 113.53 км авто замын хучилтын ажлыг 10 дугаар сард багтаан дуусгаж, 11 дүгээр сард холбогдох тэмдэг, тэмдэглэгээ, заслын ажлыг гүйцэтгэж, 12 дугаар сард хөдөлгөөн нээхээр төлөвлөн ажиллаж байна.

Харин Багц 2 хэсгийн 45.5 км болон Багц 4 хэсгийн 45.08 км нийт 90.58 км авто замыг ажлыг 2020 онд хэрэгжүүлж дуусах боломжгүй болсон.

Тиймээс энэ хэсгийн үндсэн болон тур замаар хөдөлгөөний аюулгүй байдлыг бүрэн хангахаар АХБ, гүйцэтгэгч болон зөвлөх компаниудтай зөвшилцөж байгаа аж. Эдгээр багц хэсгүүдийн нийт 70.48 км-т хуучин хучилтаар хөдөлгөөн явагдаж байгаа ба тус хэсгүүдэд гарсан нүх болон бусад эвдрэлүүдийг засварлах, хучилт хуулагдсан байгаа нийт 20.1 км хэсэгт хөнгөвчилсөн суурь, хучилт барихаар холбогдох тооцоо, судалгааг хийж байгааг мэдэгджээ.

Зураг. Тайлбар бүрэн эхээрээ

source: www.ikon.mn

Мексикээс АНУ-ын Аризона мужийн нутаг хүртэл байгуулсан, дуусгаж амжаагүй газар доорх хонгилыг хил хамгаалалтын алба илрүүлснээ зарлажээ.

Хар тамхи зөөвөрлөх зориулалттай байж магадгүй уг хонгил Мексикийн Сан Луйз Рио Колорадо хотоос эхлээд Аризона мужийн Сан Луйз хотын чиглэлд байгуулагдсан ч гарц нь газрын гадаргад ил гараагүй байсан гэнэ.

Хонгил байгуулсан газар нь хад чулуу ихтэй, ийм төрлийн байгууламж барихад тохиромжгүйд тооцогддог.

Гэсэн хэдий ч хонгил маш боловсронгуй хийцтэй, агааржуулалт, усны хангамжтай, төмөр замтай байсныг Холбооны Хил Хамгаалах Алба мэдээлжээ.

Хонгилын хийцийн чанар үнэхээр сайн байгаад гайхсан Аризона дахь Дотоодыг Аюулаас Хамгаалах департментын төлөөлөгч Энжел Ортиз “Магадгүй АНУ-ын түүхэнд бүтээгдсэн хамгийн нарийн, боловсронгуй хонгил энэ байх” гэж ярьсан байна.

Долдугаар сарын сүүлээр нэг иргэн хилийн ойролцоо газар цөмөрч, нүх гарсныг мэдээлснээр мөрдлөг шалгалт эхэлжээ. Газрын гадаргаас 7.6 метрийн гүн рүү камер оруулж шалгаад хонгил байгааг илрүүлсэн байна.

Хонгилын өргөн 1 метр, өндөр нь 1.2 метр байжээ.

Ямар зориулалттай байгуулсан, ямар багаж төхөөрөмж ашигласан нь тодорхой болоогүй байна. Гэмт этгээдүүд Мексикээс хар тамхи нэвтрүүлэх, хууль бус цагаачдыг хил давуулахад хонгил ашиглаж ирсэн олон жилийн түүхтэй.

Хоёр жилийн өмнө Аризонагийн энэ бүс нутагт хар тамхи зөөх зориулалттай бас нэг хонгил илрүүлж байжээ. Хонгилын төгсгөл Аризонагийн нэгэн түргэн хоолны газрын хаягдсан байрнаас олдсон юм.

Хилээс ердөө 180 метр зайтай KFC түргэн хоолны газрын байранд хонгилоос гарах гарц нь байжээ. Тус байрнаас хэд хэдэн багц метамфетамин, кокайн, геройн, фентанил зэрэг мансууруулах төрлийн бодисууд илэрсэн бөгөөд байрны эзэн Айван Лопезыг 2018 оны наймдугаар сард баривчилж, сүүлд долоон жилийн хорих ял оноожээ.

Эх сурвалж: Associated Press, www.ikon.mn

Видео:

Ч.Хүрэлбаатар “Засгийн газрын өнөөдрийн хуралдаанаар Монгол Улсын 2020 оны нэгдсэн төсөвт тодотгол хийх талаар танилцууллаа.

Цар тахалтай холбоотойгоор дэлхийн эдийн засаг 2020 онд 5-6 хувиар буурахаар байгааг судалгааны байгууллагууд танилцуулсан. Гэсэн хэдий ч 2021 онд 5-7% өснө гэж таамаглаж байгаа. Үүнтэй уялдуулаад Хятадын эдийн засгийн хөгжлийн хандлага, эдийн засгийн өсөлтийн байдалтай уялдуулаад Монгол Улсын эдийн засгийн төлөвийг харж, төсвийн тодотголыг хийлээ.

Баримталсан зарчим

• Ард иргэд, ААН-ийн хувьд авч хэрэгжүүлж байгаа арга хэмжээний нэлээдийг үргэлжлүүлнэ
• Эрүүл мэндийн салбарт авч хэрэгжүүлэх арга хэмжээний зардлыг нэмнэ.
• Экспортын орлого буурч байгаа тул нэмэгдүүлэх чиглэлээр тодорхой арга хэмжээнүүд авна.
• КОВИД-19-ийн үед цахим шилжилтийг улс орнууд сайн хийж байгаа.

Монгол Улс ч энэ шилжилтийг сайн хийнэ гэж тооцооллуудыг хийсэн. Хөрөнгө оруулалтын хувьд энэ жил гэрээ байгуулж, тендер зарлаж амжаагүй төслүүдийг хасах, санхүүжилтийг бууруулах зарчим баримталсан” гэлээ.

Төсвийн тодотголтой холбоотой гаргасан онцлох шийдвэрүүд

Ингээд авч үзвэл хүүхдийн мөнгө үргэлжлүүлж олгоход 322 тэрбум, НДШ-ийг тэглэснийг 10% хувь болгож үргэлжлүүлэхэд 144 тэрбум төгрөгийн асуудлыг шийдвэрлэж байна.

ААНОАТ тэглэж байгаад 105 мянган ААН-ийн үйл ажиллагаанд нөлөөлнө.

Эрүүл мэндийн салбарын санхүүжилтийг нэмэгдүүлнэ

Эрүүл мэндийн салбарт 118.6 тэрбум төгрөгийн зардал нэмэгдэж байна.

• ЭМ-ийн салбарын ажиллагчдын хамгаалах хэрэгсэл, эм эмнэлгийн хэрэгсэлд 71 тэрбум
• Улирлын томуугийн вакцин хийхэд 22.3 тэрбум төгрөгийн зардал нэмж байгаа
• Халдвар тээгч нартай нүүр тулан ажиллаж буй эрүүл мэндийн болон бусад салбарын ажиллагчдын цалин, илүү цагийн мөнгийг нэмж өгөх зардлыг суулгаж өгсөн.

Мөн ХӨСҮТ-ийн лаборатори, тоног төхөөрөмжид 3 тэрбум төгрөг нэмж өгөх асуудал байгаа.

2020 оны төсвийн алдагдлыг 3.8 их наяд төгрөгөөр тооцжээ

Орлого талдаа эхний хагас жил төсвийн орлого 2 их наядаар буурч байгаа. Цар тахалтай холбоотой татваруудыг тэглэсэнтэй холбоотой 3.4 их наядаар орлого тасрахаар байсан. Тиймээс энэ арга хэмжээнүүдийг хэрэгжүүлж байна.

2020 оны төсөв 3.8 их наяд төгрөгийн алдагдалтай байна гэж тооцжээ. Энэ нь ДНБ-ий 9.8%-тай тэнцэх тооцоо гарсан байна. Үүнээс 1.6 их наядыг нь гаднын зээл тусламжаар хэрэгжүүлэх тул санхүүжих эх үүсвэр бэлэн байгаа гэв. Хөтөлбөрийн зээлийг төсвийн дэмжлэг болгох хэлбэрээр оруулах замаар санхүүжүүлнэ гэж үзэж байгаа.

Мөн төсвийн ерөнхийлөгч захирагч нараас 118.2 тэрбум төгрөгийн зардлыг танахаар шийдвэрлэсэн байна. Үүнд бичиг хэрэг, томилолтууд, эд хогшил, тавилга, урсгал зардлууд гэх мэт тэвчиж болох зардлууд оржээ.

Мөн өнөөдрийн байдлаар тендер нь зарлагдаагүй, гэрээ байгуулагдаагүй төсөв хөтөлбөрийг хэрэгжүүлэхгүй байх, зардлыг танах шийдвэрийн хүрээнд 524 тэрбум төгрөгийн хөрөнгө оруулалтын зардал хэмнэгдэж байгааг Сангийн сайд хэллээ.

Энэ онд Монгол Улсын эдийн засаг 1% агших бол ирэх жил 7 орчим хувиар өснө хэмээн Сангийн яам тооцоолж, төсвийн тодотголоо боловсруулжээ.

“Гаднаас олгосон зээл тусламж буруу, зориулалт бусаар ашиглах боломжгүй”

Гаднаас олгож байгаа зээл тусламжийн мөнгийг буруу ашигласан байж магадгүй гэсэн хардалт нийгэмд байгаад тайлбар өглөө.

Гаднаас олгож байгаа зээл тусламж дараах хоёр хэлбэрээр зарцуулагддаг.

Төсвийн дэмжлэг

-Үүн дээр 302 сая долларын санхүүжилт авсан. Дэлхийн банк, АХБ, ОУВС-аас тус бүр 100 орчим сая доллар орж ирсэн. Энэ мөнгө УИХ-аар баталсан хэрэгжүүлж байгаа зардлыг санхүүжүүлдэг хөрөнгийн эх үүсвэр болоод ордог. Тиймээс буруу зүйлд зарцуулагддаггүй. ОУ-ын банк санхүүгийн хяналт хатуу байдаг.

Төслийн санхүүжилт

Тухайлбал, Налайхын авто зам, цэвэрлэх байгууламж гэх мэт. Олон улсын байгууллага өөрсдөө болж байна гэж үзвэл цаанаас нь санхүүжилтээ гаргадаг.

Буруу, зориулалт бусаар ашиглах боломжгүй. Өгч байгаа банк, санхүүгийн байгууллагууд хяналтаа тавьдаг гэлээ.

“У.Хүрэлсүхийн Засгийн газар 2017 онд байгуулагдсанаасаа хойш олон улсын зах зээл дээр бонд гаргаагүй, дотооддоо үнэт цаас гаргаагүй явж ирсэн. Энэ хугацаандаа аж ахуйн нэгж, банк, санхүүгийн байгууллагуудад санал болгох платформыг блокчэйнд суурилан хийсэн. Ойрын хугацаанд танилцуулна гэж бодож байна” гэдгийг Сангийн сайд мөн хэллээ

Source: www.ikon.mn